Smmaradunblogs

Gwamna Bello Matawalle Adadin mutane 25,000 da rikicin 'yan fashi ya ritsa da su a jihar Zamfara ya zuwa yanzu sun koma garuruwansu sakamakon kokarin wanzar da zaman lafiya da gwamnan jihar, Bello Matawalle ya yi. Alhaji Sanusi Kwatarkwashi, Sakataren zartarwa na hukumar ba da agajin gaggawa ta jihar Zamfara ne ya bayyana hakan yayin wata tattaunawa da ya yi da  Kamfanin Dillancin Labarai na Najeriya   a Gusau ranar Juma'a. Kwatarkwashi ya bayyana cewa jihar ta rubuta 37,000 'Yan gudun hijira a cikin tsananin zafin na masu yin garkuwa da mutane. Ya ce, wadanda suka dawo sun koma kan sana'arsu ta yau da kullun na noma, kiwo dabbobi da sauran ayyukansu. Kwatarkwashi ya ce sauran 'yan gudun hijirar 12,000, 000 sun kasance a Katsina, Kaduna, Kebbi, Sokoto da kuma wani bangare na Jamhuriyar Nijar. Ya ba da tabbacin cewa an kafa gwamnatin jihar don mayar da su garuruwansu  kamar yadda kwanciyar hankali ya dawo a jihar Na yi imanin dukkan 'yan gudun ...

Hanyar Dan Sadau a Zamfara Sarkin Kudun Dan Sadau a jihar Zamfara ya shaida wa BBC cewa 'yan fashin daji sun kashe sama da mutum 30 lokacin da suka auka wa kauyen Dan-Gurgu na masarautarsa tare da jikkata karin wasu 12. Alhaji Hussaini Umar ya ce dukkan mutanen da abin shafa maza ne, wadanda aka far wa a lokacin da suke haramar tafiya gonakinsu wayewar garin ranar Asabar. Sai dai mai magana da yawun rundunar 'yan sandan jihar Zamfara, Muhammed Shehu ya ce mutum goma aka kashe yayin wannan hari, tare da jikkata karin wasu hudu. Jihar Zamfara da ke arewa maso yammacin Najeriya na fama da hare-haren 'yan fashin daji, wadanda kan far wa kauyuka, su kashe mutane, tare da kona gidajensu har ma da dukiyar da suka mallaka. Ko da yake da farko sun fara ne da satar mutane, inda sukan rike su har sai dangi ko makusantansu sun biya kudin fansa. Masarautar Dan Sadau da ke karamar hukumar Maru ta yi makwabtaka da yankin Birnin Gwari na jihar Kaduna, wanda ya yi kaurin suna ...

Gwamna Abdul'aziz Yari An kashe akalla mutum 3,500 yayin da wasu 9,000 suka jikkata a tsawon shekara biyar, kamar yadda sakataren gwamnatin jihar Farfesa Abdullahi Muhammad shinkafi ya shaida wa BBC. Ya ce alkalunma sun nuna cewa kimanin kauyuka 500 ne aka kai wa farmaki, yayin da aka lalata kuma aka bata hekta 13,000 na kasar gona. Farfesan ya ce sun tantance hakan ne saboda duk lokacin da 'yan bindiga suka kai hari gwamnatinsu tana tura tawaga a kai taimako ga iyalan mamata da wadanda suka jikkata da kuma wadanda suka rasa dukiya. Har ila yau ya ce akwai mutane da dama da rikicin ya raba da muhallansu. Ya kuma ce rikicin ya fi shafar harkar noma. Ya ce suna ba jami'an tsaro dukkannin goyon bayan da ya dace wajen ganin an kawo karshen kashe-kashen da ke faruwa a jihar. A karshen makon jiya ne gwamnatin tarayya ta dakatar da aikace-aikacen hakar ma'adanai a jihar. Ko mene ne dalilin dakatarwar? Adamu ya ce an yi hakan ne "bisa la'akari da bayanan...